Pou Djosèf Dussart, èyè Maurice Miche

Il-arive qu’in-ome ès mète à canter èy à rire
Tous seû – pou l’plési
Adon les nûtts dè mé ès font pus pèrfondes
Què les clokètes dès godèts

Les broûyards ont bèl à valser pa dzeûr les-yaus
èrmonter les valèyes èyè muchî les mésos
qui sont des sondjrîyes
toutès raclipotéyes dèsous l’lumière dè leû visâdge

Il-arive qu’in-ome ès mète à rire
à fé skèter les fèrnièsses dou cièl
parce qu’il-est binèse dè yèsse dèvins ses kmins
ses bos – sès-èfants – ses camarâdes
stampè avû ses deûs pîds su les cayaus

Il-arive qu’in-ome s’in dalisse come il est vnu
Es sang a rmontè pa tous les ris – djusqu’à s’keûr
eyè il-a yeû des grandès-alowètes
qui ont tourniqui pa dvant ses-îs

Il-arivra què les kmins – les bos – ses-èfants
ses camarâdes sè rmètront à canter tout doûcemint
pou asprouver comint c’què ça s’passe dè l’aute costè dou cièl

Il-arivra què les valèyes èrpèrdront ç’canson-là
èyè qu’tout ça – mis inchène – va sè rmète à rire
pace qu’i faut des cansons à brasséyes
èyè des clokètes dè godèts
pou apèrfondi les nûtts dè mé

Nivèles, dins l’esté dè 1960,

B-Virton, 1965, La Dryade,
LE JEU DE L'AUBE,
DR

  (C3) //