I faut rmonter pa les pièssintes des vîs djoûs
i faut s'in daler au pèrfond dè s'sang èyè d'ses vin.nes
i faut intinde canter l'mouchon d'aunia in stant èfant
i faut s'pièrde dèvins l'nûtt dou tamps...

i faut rire à sclifotéyes come in richot qui bèrdèle
èyè nnî(n) avoû peû dou vint qui scoufète les foyas
èt qui fét rassoti les moulètes dèlé l'tèri...

i faut fé sonner ses pas comme din n'bèle djèléye
èrwétît droût les-îs dins les-îs
in rinvouyant pus Ion qu'les fnasses
les ratchons – les grîgnes-dints èyè les crayas...

Adon
les-eûres sèront comme les mangn' dè m'tant voltî
come les-îs dè m'pètit gadlot
adon nos poûrons nos-in daler
droût com in-ouvrî qui rwète ès n-ouvrâdje
nos poûrons ouvri nos bras come les-awouss
èyè les vints d'bîse

Les vilâdjes vont crèchi come des fleûrs dè pichoulits
les corons vont lûre èyè tchipter
come in grand contintemint d'avri

Adon
nos poûrons rwétî nos frès èt les-èfants d'nos frés
èyè sourire laumint come èl solêy
qui monte al coupète dè l'èstwalî

Malmédy, à lè r'vènuye dou bon tamps dè 1959,

B-Virton, 1965, La Dryade,
LE JEU DE L'AUBE,
DR

  (B6>C1) ! (C2)